Стаў вядомы самы папулярны сярод беларусаў месенджар
![Стаў вядомы самы папулярны сярод беларусаў месенджар](/sites/default/files/styles/gallery_main/public/2023-08/sacsietki-0305.jpg.webp?itok=iN0BGzBL)
Самым папулярным месенджарам у беларусаў з'яўляецца Viber. Такія вынікі паказала даследаванне, праведзенае кампаніяй #DB3, якая ладзіць даследаванні беларускай інтэрнэт-аўдыторыі з 2008 года, піша infopolicy.biz.
Даследаванне заняло два тыдні, былі апытана 662 чалавекі ва ўзросце ад 15 да 74 гадоў.
Viber'ам карыстаюцца 70% апытаных. У тройку лідараў уваходзяць таксама Skype (38%) і WhatsApp (25%)
Калі глядзець мужчынскую і жаночую аўдыторыю, то тройка лідараў будзе адрознівацца. У жанчын тройка супадае з вышэйназванай, а ў мужчын яе складаюць Viber, Skype і Telegram.
Калі ацэньваць узрост, то карыстанне Viber'ам сярод апытаных ва ўзросце 25-44 гады складае больш за 80%. Найбольшая колькасць карыстальнікаў Telegram'а (больш за 50%) — людзі ва ўзросце 15-24 гады, а вось Skype'ом карыстаюцца 46% ва ўзросце 55-74 года.
Каб сачыць за галоўнымі навінамі, падпішыцеся на канал Еўрарадыё ў Telegram.
Мы штодня публікуем відэа пра жыццё ў Беларусі на Youtube-канале. Падпісацца можна тут.