Вы тут

Рынак кантрабандных цыгарэт Латвіі на 80% заняты беларускай прадукцыяй

Кантрабанда цыгарэт / MKT

Агенцтва Nielsen правяло расследаванне і высветліла, што 79% нелегальных цыгарэт на рынку Латвіі — беларускія, паведамляе delfi.lv.

Часцей за ўсё ў Латвію вязуць цыгарэты прадпрыемства Grodno Tobacco (73%), NZ і Premier. Лідэрам сярод падробак з'яўляецца Winston — 89% ад усёй кантрабанднай прадукцыі.

Пры гэтым за апошнія 6 гадоў кантрабанда цыгарэт у Літву з Беларусі вырасла на 10%. А самі партыі кантрабанды налічваюць мільёны штук. Так, у канцы жніўня ў Латвіі выявілі 3,5 мільёна нелегальных беларускіх цыгарэт.

Нелегальныя тытунёвыя вырабы займаюць 18% ад усёй колькасці цыгарэт на рынку Латвіі. Дзяржава змагаецца з кантрабандыстамі, аднак з пераменным поспехам. За апошні год кантрабанда цыгарэт нанесла Латвіі шкоду як мінімум на 38 мільёнаў еўра.

 

Каб сачыць за галоўнымі навінамі, падпішыцеся на канал Еўрарадыё ў Telegram.

Мы штодня публікуем відэа пра жыццё ў Беларусі на Youtube-канале. Падпісацца можна тут.