Мінэканомікі не ведае, як разгрузіць склады з прадукцыяй
Мінэканомікі не бачыць праблемы ў тым, што на складах скапілася прадукцыі на 32,3 трыльёна рублёў. Дарэчы, ад пачатку года прырост склаў болей за 10 трыльёнаў.
Па словах намесніка міністра эканомікі Аляксандра Ярашэнка, болей за палову прыросту атрымана за кошт павелічэння складскіх запасаў у арганізацыях Мінпрама — на 5,5 трыльёна рублёў.
Ярашэнка: “Найбольш складаная сітуацыя складваецца на прадпрыемствах машынабудавання. Тут выраслі запасы грузавікоў, аўтобусаў, трактароў і самаскідаў. Іх імпарт знізіўся прыкладна на 20%. Гэтая лічба не крытычная, але для нас гэта званочак, каб нешта рабіць”.
У сувязі з гэтым павялічылася колькасць стратных арганізацый — з 299 да 352. Вырасла і сума іх чыстых стратаў — з 0,7 да 1,1 трыльёна рублёў.
Мінэканомікі бачыць прычыну такой сітуацыі ў тым, што беларускія тавары меней канкурэнтаздольныя, чым расійскія ды інш.
На пытанне, як Мінэканомікі збіраецца разгрузіць склады з прадукцыяй, Аляксандр Ярашэнка падчас прэс-канферэнцыі адказаць не змог.
Фота — ria.ru
