Расійскі прэм'ер-міністр Мядзведзеў прыедзе ў Мінск
21 кастрычніка ён возьме ўдзел у паседжанні Савета міністраў Саюзнай дзяржавы Беларусі і Расіі.
Плануецца абмеркаваць "шырокае кола пытанняў двухбаковага ўзаемадзеяння", уключна з развіццём супрацоўніцтва ў гандлёва-эканамічнай і сацыяльнай сферах. Таксама гаворка пойдзе пра рэалізацыю сумесных інвестыцыйных праектаў, навукова-тэхнічных і інавацыйных праграм. На паседжанні плануецца разгледзіць праект бюджэта Саюзнай дзяржавы на 2015 год.
РІА "Новости" адзначае, што Дзмітрый Мядзведзеў правядзе ў Мінску асобныя перамовы з прэм'ер-міністрам Беларусі Міхаілам Мясніковічам.
Фота — ria.ru
