Вы тут

Павук: калі будзе беларуская мова, то будзе і нацыянальная самасвядомасць

Вольга Павук / Еўрарадыё

11 лістапада ў эфіры Еўрарадыё — суаўтарка праекта “Рудабельская паказуха”, магістрантка ўніверсітэта Вітаўта Вялікага, настаўніца вясковай школы, блогерка Вольга Павук.

Беларускай дзяржаве неабходнае “перафарматаванне”: нам патрэбны новыя законы, законы людзей з беларускай свядомасцю. Законы, якія будуць спрыяць не толькі вяртанню законнасці ў краіну, але і спрыяць развіццю нас як беларусацэнтрычнага грамадства. У адваротным выпадку мы страцім сябе як нацыя, перакананая Вольга Павук. 

Пра тое, чаму беларусы страцілі сувязь са сваімі нацыянальнымі каранямі, што адбываецца з беларускай — і ў прыватнасці вясковай — адукацыяй, а таксама пра тое, як вярнуць беларусам іх беларускасць, мы і разважаем у праграме “Ідэя Х” з Вольгай Павук

Набыць кнігу "Беларуская нацыянальная ідэя" (PDF) можна тут

Філосафы і мысляры мінулага сцвярджалі, што нацыянальная ідэя павінна быць у кожнай нацыі. Нехта перакананы, што мы яшчэ да сваёй нацыянальнай ідэі не дараслі. Іншыя сцвярджаюць, што такая ідэя ў беларусаў ёсць.

Дык ёсць у беларускай нацыі свая нацыянальная ідэя ці не? І калі мы да сваёй націдэі яшчэ не дараслі, то ці можам лічыцца нацыяй? Магчыма, нам варта ўзяць ды сфармуляваць такую ідэю для беларусаў?

На нашу думку, прыспеў час распачаць дыскусію і вызначыць, сфармуляваць беларускую нацыянальную ідэю. І мы працягваем гэта рабіць у аўтарскай праграме “Ідэя Х”, якую па-ранейшаму вядуць рэдактар Еўрарадыё Зміцер Лукашук і маскоўскі філосаф Максім Гаруноў.

Па завядзёнцы ў якасці гасцей, якія дапамагаюць нам фармуляваць нацыянальную ідэю, — палітыкі і літаратары, эканамісты і музыканты, айцішнікі і культуролагі. Усе вы.

Праграма выходзіць штотыдзень у чацвер у 14:00.

Партнёры праграмы — крама з нацыянальным каларытам Symbal.by і грамадская кампанія "Годна".

Папярэднія выпускі праграмы "Ідэя Х" можна глядзець тут:

Нацыянальная ідэя

Слухаць эфір Еўрарадыё можна па гэтай спасылцы. Трансляцыю са студыі можна будзе паглядзець у сацсетках Еўрарадыё: Facebook, "ВКонтакте", "Аднакласнікі".

Каб сачыць за галоўнымі навінамі, падпішыцеся на канал Еўрарадыё ў Telegram.

Мы штодня публікуем відэа пра жыццё ў Беларусі на Youtube-канале. Падпісацца можна тут.