Парламент Ірана прагаласаваў, каб удзельнікаў пратэстаў пакараць смерцю
У Іране ўжо загінулі шматлікія ўдзельнікі пратэстаў / Reuters
Парламент Ірана прагаласаваў за тое, каб удзельнікаў пратэстаў пакараць смерцю. "За" было 227 галасоў з 290. Цяпер пад вартай знаходзіцца больш за 14 тысяч чалавек. Усім ім пагражае смяротнае пакаранне.
Пратэсты ў Іране ідуць з верасня. Сілавікі жорстка іх падаўляюць, у тым ліку з выкарыстаннем агнястрэльнай зброі. Дакладная колькасць загінулых невядомая. Адначасова з'яўляюцца паведамленні пра забітых сілавікоў, у тым ліку кіраўнікоў падраздзяленняў.
Тым часам судовыя ўлады Ірана заявілі, што будуць жорстка разбірацца з любым, хто ладзіць "беспарадкі" або здзяйсняе "злачынствы" падчас пратэстаў, паведамляе Reuters.
