Пад Віцебскам згарэў грузавік з "небяспечным грузам"
Ратавальнікі на месцы аварыі / t.me/vitebsk_gai/
Пад Віцебскам згарэў грузавік з "небяспечным грузам 2 і 3 класа". Што менавіта быў за груз, віцебскае ДАІ не ўдакладняе.
Аварыя здарылася ўвечары 25 ліпеня на 15-м кіламетры аўтадарогі Р-20 "Віцебск Полацк — мяжа з Латвіяй". Аўтацягніком "Scania" з паўпрычэпам "Krone" кіраваў 51-гадовы вадзіцель. У нейкі момант адбылася разгерметызацыя пярэдняга левага кола. Спачатку грузавік выехаў на паласу сустрэчнага руху, пасля з'ехаў у левы кювет, дзе перакуліўся. Машына загарэлася.
Месца аварыі было ачэплена, арганізаваны аб'езд.
Адзначаецца, што ў выніку ДТЗ ніхто з людзей не пацярпеў.
