Мінгандлю: У новым законе пра алкаголь не будзе забароны продажу пасля 22.00
![Мінгандлю: У новым законе пра алкаголь не будзе забароны продажу пасля 22.00](/sites/default/files/styles/gallery_main/public/2023-08/alcohol-7.jpg.webp?itok=AZQpr0gr)
Праект закона пра алкаголь знаходзіцца ва ўрадзе, і ў ім няма забароны на продаж спіртнога пасля 22.00. Пра гэта Еўрарадыё паведамляе начальнік упраўлення арганізацыі гандлю і паслугаў Мінгандлю Віялета Бразоўская.
![Мінгандлю: У новым законе пра алкаголь не будзе забароны продажу пасля 22.00](/sites/default/files/styles/round_photo/public/paragraphs/round_photo/maxresdefault.jpg.webp?itok=71bmCq6s)
“На сёння падрыхтаваны праект унясення зменаў у закон аб абароце алкаголю. Ён знаходзіцца ва ўрадзе. Там гэтай забароны [па часе] няма”, — кажа начальнік упраўлення.
Па яе словах, паводле рэгламенту дадаць ў праект папраўку пра забарону продажу пасля 22 гадзін ніхто ў гэты момант не можа.
“Калі нехта вырашыць унесці туды змены, заканапраект вяртаецца на дапрацоўку — дасылаецца ўсяму колу асобаў, якія працуюць над ім. І пасля выпрацоўваецца адзінае меркаванне з улікам усіх дзяржорганаў. Проста так, нехта адзін гэта зрабіць не можа”, — тлумачыць Бразоўская.
Нагадаем, міліцыя прапанавала вярнуць забарону на гандаль алкаголем у начны час. Пра гэта 27 ліпеня заявіў начальнік упраўлення прафілактыкі Міністэрства ўнутраных спрваў Алег Каразей.