Мінчанка не паведаміла свайму хлопцу, што мае вірус імунадэфіцыту

Мінчанка не паведаміла свайму хлопцу, што мае вірус імунадэфіцыту

Супрацоўнікі крымінальнага вышуку Фрунзенскага РУУС Мінска сабралі матэрыялы на мінчанку, якая ведала, што заражаная ВІЧ-інфекцыяй, займалася сексам са сваім хлопцам без сродкаў кантрацэпцыі. Пра гэта паведамляе прэс-служба ГУУС Мінгарвыканкама

Пара пражывала разам. Нядаўна яны бавілі час у кампаніі агульных сяброў. І адна з сябровак сказала хлопцу, што яго каханая мае ВІЧ-інфекцыю. Пасля гэтага 28-гадовы мінчук напісаў заяву ў міліцыю.

Аператыўнікі высветлілі, што 22-гадовая непрацуючая дзяўчына ведала пра сваю хваробу. Раней яна ўнутрывенна ўжывала наркотыкі. Пра заражэнне ВІЧ-інфекцыяй дзяўчына даведалася напрыканцы 2017 года, але ад свайго хлопца гэтую інфармацыю хавала.

Медабследаванне паказала, што хлопец не заразіўся ВІЧ-інфекцыяй. Але дзеянні дзяўчыны заведама пагражалі яму такім заражэннем.

Матэрыялы на мінчанку перададзеныя ў Следчы камітэт.

Раней дзяўчына не прыцягвалася да крымінальнай адказнасці. Але яна мае адміністрацыйныя пакаранні за дробны крадзеж і знаходжанне нецвярозай у грамадскім месцы.

Апошнія навіны

Галоўнае

Выбар рэдакцыі