Палітвязню Алегу Ларычаву падчас суда выклікалі хуткую
Алег Ларычаў / архіўнае фота
Палітвязню Алегу Ларычаву падчас суда выклікалі хуткую: стан яго здароўя пагаршаецца. Пра гэта ў сацсетках паведамляе Аліна Герашчанка.
"У яго язвы на нагах, якія не загойваюцца, паднялася тэмпература. Медычная дапамога нерэгулярная. А ў Алега цукровы дыябет і ёсць рызыка развіцця гангрэны", — піша Герашчанка.
Ларычаў знаходзіцца за кратамі з лістапада 2025 года.
Праваабаронцы неаднаразова звярталі ўвагу на праблему медыцынскай дапамогі людзям, якія знаходзяцца за кратамі.
