Менеджар "Палессе-Аграінвест" прызначаны кіраваць Петрыкаўскім раёнам
Аляксандр Верамееў / belta.by
Сёння Аляксандр Лукашэнка наведаў Петрыкаўскі раён Гомельскай вобласці з мэтай ацаніць ход уборачнай і пасяўной кампаній.
Падчас візіту ён наведаў гаспадарку "Палессе-Аграінвест", якая належыць Мазырскаму НПЗ. Па выніках сустрэчы Лукашэнка прызначыў кіраўніка гэтай гаспадаркі, Аляксандра Верамеева, новым кіраўніком Петрыкаўскага раёна.
Кандыдатура Верамеева была рэкамендавана старшынёй Гомельскага аблвыканкама Іванам Крупко. Учора Лукашэнка таксама наведаў Мазырскі раён.
