Лукашэнка: Стварылі не тое, што хацелі, але СНД нельга разбураць (відэа)
У панядзелак кіраўнік дзяржавы сустрэўся з старшынёй выканкама — выканаўчым сакратаром Садружнасці незалежных дзяржаваў Сяргеем Лебедзевым.
Аляксандр Лукашэнка адзначыў, што СНД на сённяшні дзень перажывае "няпросты перыяд", але ён упэўнены, што праблемы будуць вырашаныя.
Лукашэнка: "Разбураць няхай нават і не такую Садружнасць, якую мы хацелі, нельга. Таму мы з вамі прынялі рашэнне, што СНД было, ёсць і будзе".
Кіраўнік Беларусі нагадаў, што, паколькі Украіна не зможа быць старшынёй у СНД, гэтую адказнасць возьме на сябе наша краіна.
Фота — ria.ru
