Крывое люстэрка: што ўлады схавалі пра стан справаў у Беларусі
![У любой незразумелай сітуацыі ўлады закрываюць статыстыку / калаж Улада Рубанава, Еўрарадыё](/sites/default/files/styles/gallery_main/public/2023-08/glavnaya_300.jpg.webp?itok=w9E4vE5D)
У любой незразумелай сітуацыі ўлады закрываюць статыстыку / калаж Улада Рубанава, Еўрарадыё
У чэрвені Белстат паказаў статыстыку па знешнім гандлі таварамі за красавік, але вельмі моцна зрэзаную. Раней было відаць, колькі і чаго прадавала Беларусь у розныя краіны нават у штуках і кілаграмах. Цяпер заблакаваныя звесткі за ўвесь 2022 год. Даступна толькі, на якія сумы Беларусь закуплялася або прадавала за мяжу. Што пастаўляецца, застаецца толькі гадаць.
Атрымліваецца несумленна: на працу Белстата скінуліся ўсе, а вынік могуць убачыць толькі адзінкі. Еўрарадыё згадала, што яшчэ ўлады схавалі ад беларусаў і як мы лавілі іх на хітрасці.
Шэры заробак набліжаных да ўлады
![Кривое зеркало: что власти скрыли о положении дел в Беларуси](/sites/default/files/styles/default_image_paragraph_watermark/public/paragraphs/image/1_6.jpeg.webp?itok=lUZeDLKw)
У інфармацыйнай сістэме Белстата не знайсці звестак пра гандаль зброяй і каштоўнымі металамі. З 2016 года перастала публікавацца статыстыка па тытунёвых вырабах. Нежаданне паказваць, каму Беларусь прадае зброю, можна зразумець.
![Кривое зеркало: что власти скрыли о положении дел в Беларуси](/sites/default/files/styles/default_image_paragraph_watermark/public/paragraphs/image/2_140.jpg.webp?itok=72OdROBE)
![Кривое зеркало: что власти скрыли о положении дел в Беларуси](/sites/default/files/styles/default_image_paragraph_watermark/public/paragraphs/image/1minfin.png.webp?itok=rTpwaa2D)
Засталіся толькі агульныя лічбы па змяненні дзярждоўгу.
![Кривое зеркало: что власти скрыли о положении дел в Беларуси](/sites/default/files/styles/default_image_paragraph_watermark/public/paragraphs/image/minfin2_1.png.webp?itok=QDNqND20)
Прыгожая лічба — і ніякіх праблем
Яшчэ адным правальным кірункам для ўладаў стала інфляцыя. Тут хуценька звярнуліся да крэатыву. Каб не паказваць па выніках 2021 года непрыгожую лічбу па інфляцыі — аж 10% пры плане ў 5%, — Нацбанк вырашыў напісаць 9, 97%. Хоць раней другая лічба пасля коскі акруглялася.
Гадавая інфляцыя па выніках траўня 2022 года склала ўжо 17%. Хітрыкі накшталт сотых у паказчыку не дапамогуць, таму Нацбанк вырашыў схаваць хоць нешта.
![Кривое зеркало: что власти скрыли о положении дел в Беларуси](/sites/default/files/styles/default_image_paragraph_watermark/public/paragraphs/image/3_108.jpg.webp?itok=OHq4VVmO)
Таксама ў Беларусі ў апошнія гады расце колькасць указаў Лукашэнкі, якія не публікуюцца ў адкрытым доступе. На гэта звярнуў увагу Ягор Лебядок. Калі ў 2019 годзе ўтоена было 60 указаў з 503, то са студзеня па 7 снежня 2021 года іх набралася ўжо 155 з 479 указаў.
— Да такіх указаў адносяцца ўказы, якія змяшчаюць адмовы ў памілаванні асуджаных на найвышэйшую меру пакарання, указы аб прыёме ў грамадзянства, і ў цэлым указы, якія змяшчаюць службовую інфармацыю абмежаванага распаўсюджвання і дзяржаўныя сакрэты, — напісаў Ягор Лебядок.
Частку прымацаваных тэкстаў мы падрыхтавалі ў тым ліку на падставе цяпер ужо схаваных дадзеных Белстата. Хоць у экспертаў і журналістаў яшчэ застаюцца спосабы знаходзіць інфармацыю, палітыка крывога люстэрка перашкаджае людзям і бізнесу планаваць жыццё і працу ў Беларусі. Але гэта, мабыць, улады зусім не хвалюе.
Каб сачыць за галоўнымі навінамі, падпішыцеся на канал Еўрарадыё ў Telegram.
Мы штодня публікуем відэа пра жыццё ў Беларусі на Youtube-канале. Падпісацца можна тут.