Кіраўнік Магілёўшчыны дазволіў гадаваць свіней каля свінакомплексаў
Пра гэта паведамілі вяскоўцы, якія ў пятніцу трапілі на прыём да Пятра Рудніка.
Па іх словах, кіраўнік вобласці паведаміў, што здымаецца 5-кіламетровая санітарная зона вакол свінакомплексаў і ўводзіцца аднакіламетровая. Свіней, па словах чыноўніка, можна гадаваць і ў аднакіламетровай зоне, але пры ўмове адпаведнасці ўсім патрабававанням санітарна-эпідэміялагічнай службы.
Акрамя таго, Руднік загадаў спыніць адміністрацыйную справу супраць сям'і Ліпецкіх з вёскі Сумарокава Магілёўскага раёна. Справу пачалі за тое, што яны адмовіліся знішчаць свіней на ўласным падворку.
Нагадаем, што 5-кіламетровая санітарная зона на гадаванне свіней каля свінакомплексаў была ўведзеная пасля ўспышкі афрыканскай чумы свіней у Беларусі.
Фота — nv-online.info
