Індыйскі рабочы незнарок выкапаў у рудніку гіганцкі алмаз — #ІхНоравы

Але спадабацца ўсім вельмі складана. Пастаўшчыкам даводзіцца забяспечваць сытасць 15 тысяч спартсменаў з 208 тэрыторый і краін. На працягу двух падзей — Алімпіяды і Паралімпіяды — пададуць больш за 13 мільёнаў порцый ежы! Гэтага хопіць, каб правесці, напрыклад, 10 чэмпіянатаў свету па футболе.

Дарэчы, сёлета французы вельмі сур'ёзна паставіліся да экалагічных праблем і хочуць правесці самую экалагічную Алімпіяду ў гісторыі. Напрыклад, усё мяса, малако і яйкі, якія выкарыстоўваюць на кухні, вырабляюць у Францыі, а траціна ўсіх прадуктаў харчавання — расліннага паходжання.

Вельмі дарагі лес

Дарэчы, пра клімат.

Бразільскага жывёлавода абавязалі выплаціць больш за 50 млн долараў ЗША за тое, што ён незаконна высек частку трапічных лясоў Амазонкі. І плюс да гэтага пасадзіць дрэвы нанава. Гэта самая буйная грамадзянская справа, якую калі-небудзь узбуджалі ў Бразіліі за злачынствы супраць клімату, піша The Guardian.

Фермер высек больш за 5,5 тыс. гектараў амазонскага лесу. Ён спярша спілаваў дрэвы бензапілой, потым падпаліў тэрыторыю, каб расчысціць яе, а пасля пасадзіў траву, каб стварыць пашу для гадоўлі жывёлы. Ніяк не "ок", калі з усіх бакоў гавораць пра тое, што амазонскія лясы дапамагаюць усяму чалавецтву стрымліваць глабальнае пацяпленне.

Але дзеянні фермера заснялі (з космасу), і цяпер яго актывы замарозілі. Наўрад ці замарожаныя актывы аднаго фермера пакрыюць шкоду, але, напэўна, засцерагуць ад небяспекі будучыню амазонскіх лясоў.

Канцэрт у тры балы

У Мілане канцэрт прынялі за землятрус. Ніякіх жартаў: хтосьці напісаў у Х, што адчуў штуршкі, не слабейшыя за тры балы. Але Нацыянальны інстытут геафізікі і вулканалогіі нічога такога не адчуў. І, здаецца, "землятрусам" быў канцэрт амерыканскага рэпера Трэвіса Скота, які акурат праходзіў на іпадроме Ла Маура.