Вы тут

Каму глабальнае пацяпленне, а каму — кавуны

Збор кавуноў у Кобрынскім раёне / Аляксандр Васюковіч / Еўрарадыё

4 лістапада ў Мінску было +15, а на Палессі ўвогуле +18! І нехта яшчэ не верыць у глабальнае пацяпленне?

У снежні ў Мадрыдзе пройдзе чарговы саміт ААН па клімаце. Мітынгі ў абарону клімату сёлета ідуць па ўсім свеце: людзі патрабуюць ад уладаў сваіх краін больш рашуча змагацца з пацяпленнем — знізіць узровень выкідаў у атмасферу вуглякіслага газу альбо перайсці на ўзнаўляльныя крыніцы энергіі.

Але ёсць і станоўчыя моманты змены клімату. Напрыклад, на поўдні Беларусі пачалі вырошчваць культуры, якія раней прывозілі з цёплых краін. На пачатку восені Еўрарадыё з’ездзіла ў Кобрынскі раён Брэсцкай вобласці, паназірала за зборам ураджаю беларускіх кавуноў, а потым ела гэтыя салодкія ягады два тыдні ў мінскім бетонным офісе. Паглядзіце!