Гітарыст The Rolling Stones Роні Вуд хворы на рак

Гітарыст The Rolling Stones Роні Вуд хворы на рак

Гітарыст The Rolling Stones Роні Вуд хворы на рак. Пра гэта музыка абвясціў журналістам газеты Mail on Sunday. Паводле Вуда, дыягназ яму паставілі яшчэ ў траўні пасля абследавання ў доктара гурта. Неўзабаве пасля гэтага ён перанёс пяцігадзінную аперацыю па выдаленні часткі лёгкага.

70-гадовы Вуд распавёў, што перад аперацыяй развітаўся з роднымі і блізкімі. Паводле яго словаў, ён быў упэўнены, што памрэ. Папярэднія 50 год жыцця Вуд курыў адну цыгарэту за другой і кінуў нядаўна, у 68, перад нараджэннем у яго блізнятаў.

Роні Вуд грае з The Rolling Stones з 1974 года. Сёлета ўвосень гурт мае намер паехаць у еўрапейскае турне і Вуд прыме ўдзел у гастролях.

Апошнія навіны

Галоўнае

Выбар рэдакцыі