Герой мема пра "памідоры са смятанай" выйшаў пасля чарговых сутак
Анатоль Шалковіч / facebook.com
На волю выйшаў Анатоль Шалковіч, герой мема пра "памідоры са смятанай". 65-гадовага інжынера Шалковіча затрымалі чарговы раз 17 лютага 2022. Ён правёў за кратамі 15 сутак, за "дробнае хуліганства" (арт. 19.1 КаАП).
Шалковіч стаў вядомы падчас свайго першага затрымання. Пасля арышту ў праўладных каналах з'явілася "пакаянны" міліцэйскае відэа з ім.
Анатоль Шалвавіч прызнаўся ў любові да чырвонага і белага колераў. "Мне заўсёды падабалася спалучэнне белага і чырвонага колераў, — казаў ён на відэа. — Я люблю памідоры са смятанай — гэта таксама белае з чырвоным". Згаданае відэа стала вірусным, а Шалковіч два месяцы прабыў за кратамі — яму пастаянна дадавалі 15 сутак.
Праваабаронцы прызналі яго палітвязнем.
