Фрыстайлістка Аляксандра Раманоўская прадала свой залаты медаль

Фрыстайлістка Аляксандра Раманоўская прадала свой залаты медаль

Беларуская фрыстайлістка Аляксандра Раманоўская прадала свой залаты медаль, паведамляе TUT.by. Яна заваявала яго на зімовай Універсіядзе 2019 года ў Краснаярску ў Расіі. Выніковая цана лота на інтэрнэт-аукцыёне — $15 тысяч (стартавы кошт — 900 долараў). Грошы, атрыманыя за медаль, Раманоўская ахвяруе ў Беларускі фонд спартыўнай салідарнасці для падтрымкі спартсменаў, якія пацярпелі за выказванне сваёй грамадзянскай пазіцыі.

Дарэчы, на згаданай Універсіядзе фрыстайлістка заваявала два золата — у асабістых скачках і ў каманднай акрабатыцы.

Восенню 2020-га чэмпіёнка свету па фрыстайле, спартсменка 2019 года ў Беларусі Аляксандра Раманоўская была звольнена са зборнай. Гэта была відавочная рэакцыя на выказванне грамадзянскай пазіцыі — асуджэння гвалту сілавікоў і патрабавання новых прэзідэнцкіх выбараў.

Каб сачыць за галоўнымі навінамі, падпішыцеся на канал Еўрарадыё ў Telegram.

Мы штодня публікуем відэа пра жыццё ў Беларусі на Youtube-канале. Падпісацца можна тут.

Апошнія навіны

Галоўнае

Выбар рэдакцыі