Дзве сям'і мінчукоў, якія вярталіся з адпачынку, трапілі ў ДТЗ пад Гомелем
ДТЗ, у якім пацярпелі дзве сям'і мінчукоў, адбылося зранку 15 жніўня на 142-м км аўтадарогі Гомель-Мінск. У аўтамабілі "Рэно-Эспейс" з адпачынку вярталіся сем чалавек.
Як паведамляе sudexpert.gov.by, аўтамабіль з'ехаў у кювет і перакуліўся на дах. Кіроўца і ўсе пасажыры засталіся жывыя, аднак ёсць пацярпелыя з разнастайнымі траўмамі, у тым ліку дзеці.
Паводле папярэдняй інфармацыі, усе пасажыры былі прышпіленыя рамянямі бяспекі.
Паведамляецца, што ніякіх перашкодаў на дарозе не было. Мяркуецца, што прычынай ДТЗ была або стомленасць кіроўцы, або тэхнічная няспраўнасць аўтамабіля.
