Двух жыхароў Вроцлава судзяць за збіццё 15-гадовага беларуса
Суд за збіццё беларускага падлетка / wyborcza.pl
Двух жыхароў польскага Вроцлава судзяць за збіццё 15-гадовага беларуса, піша wyborcza.pl.
Як заяўляе бок абвінавачвання, матывам нападу стала нацыянальнасць падлетка: нападнікі прынялі яго за ўкраінца.
Інцыдэнт здарыўся 25 студзеня 2022 года. Падлетак гуляў з сябрамі з Украіны, Беларусі і Грузіі. Паміж сабой яны размаўлялі па-руску. Гэта раззлавала двух палякаў. Яны напалі на хлопца, білі яго кулакамі, штурхалі, а затым схапілі за шыю ззаду і сталі душыць. Падлетак атрымаў траўмы галавы і рук.
Адзін з абвінавачаных прызнаў віну, другі — не.
