Буйная расійская авіякампанія пачала аблятаць Беларусь праз санкцыі Еўрасаюза

У прыватнасці, санкцыі былі ўведзеныя супраць дзяржкампаніі "Белаэранавігацыя", якая займаецца абслугоўваннем паветранага руху праз тэрыторыю Беларусі. Зрэшты, іншыя авіякампаніі Расіі — і грузавыя, і пасажырскія "Аэрафлот", Nordwind Airlines і г.д. — па-ранейшаму выконваюць палёты праз Беларусь.

"Волга-Днепр" — найбуйнейшы расійскі прыватны авіяперавозчык грузаў. Кампанія належыць Аляксею Ісайкіну. Галаўная структура групы Volga-Dnepr Logistics b.v. зарэгістраваная ў Нідэрландах.

Магчыма, менавіта праз еўрапейскую "прапіску" кампанія і вырашыла ўлічваць у сваёй працы еўрапейскія санкцыі ў дачыненні да беларускіх уладаў, а таксама забарону ўпраўлення грамадзянскай авіяцыі Вялікабрытаніі супрацоўнічаць з "Белаэранавігацыяй". "Волга-Днепр" імкнецца няўхільна выконваць усе міжнародныя правілы, пракаментавала РБК крыніца, блізкая да групы.