Беларускі фронт: ці будзе ён адкрыты і калі — эфір з Самусем
Міхаіл Самусь / фота з архіва
“На ўсходнім фронце без пераменаў” — так апісваюць сітуацыю ва Украіне заходнія ваенныя эксперты. Тым не менш, спакою на вайне няма — то навіны пра жорсткія баі пад Бахмутам, то ўдалы “прылёт” у Макееўцы, то паветраная трывога па ўсёй Украіне. Ці, прыкладам, сітуацыю на беларускай мяжы вайскоўцы абмяркоўваюць альбо з’явіцца фота Сахашчыка з генералам Залужным…
Што адбываецца на франтах і як змяняецца сітуацыя на беларуска-украінскай мяжы? Ці стане 2-гі замежны легіён фармаваннем беларускіх дабраахвотнікаў і ці ёсць патрэба ў стварэнні такой вайсковай структуры? Ці павялічыцца ваенная дапамога Захаду Украіне, якія наступствы ад абстрэлаў украінскіх гарадоў расійскімі ракетамі? На гэтыя ды іншыя пытанні адказвае намеснік дырэктара ўкраінскага Цэнтра даследавання войска, канверсіі і раззбраення Міхаіл Самусь.
