Беларускаму музею перададуць мікраскапічную кнігу вершаў Багдановіча
Мініяцюрную кнігу вершаў класіка беларускай літаратуры Максіма Багдановіча перададуць філіялу Нацыянальнага гістарычнага музея Беларусі “Дом-музей І з’езду РСДРП”.
Незвычайная кніга мае мікраскапічныя памеры — 1х1 мм. Яе зрабіў вядомы расійскі майстар, мастак-мікрамініяцюрыст Анатоль Каненка.
Таксама ў фонды музея перададуць мікрамініяцюрны герб Рэспублікі Беларусь. Цырымонія перадачы гэтых экспанатаў адбудзецца 1 лютага, перадае БЕЛТА.
