Беларусь — на шостым месцы па колькасці рэпатрыянтаў у Ізраіль за мінулы год
Сцяг Ізраіля, ілюстрацыйнае фота / pixabay.com
Беларусь заняла шостае месца па колькасці грамадзян краіны, якія пераехалі на пастаяннае пражыванне ў Ізраіль у з 16.09.2023 па 19.09.2024 — у гэтыя даты адзначаецца яўрэйскі Новы год Рош ха-Шана.
Статыстыку пераездаў апублікавала Міністэрства іміграцыі і абсорбцыі Ізраіля. Агульная колькасць рэпатрыянтаў за мінулы год склала 31 тысячу чалавек. 795 чалавек з гэтай колькасці прадстаўляюць Беларусь.
Найбольшая колькасць рэпатрыянтаў прыехалі ў Ізраіль з Расіі, ЗША і Канады. Гэтыя тры краіны "забяспечылі" 19 850 новых грамадзян Ізраіля.
Чацвёртае месца ў спісе заняла Францыя (больш за 1820), пятае — Украіна (каля 980).
На працягу года ў Ізраіль прыбылі новыя імігранты з больш чым 100 краін свету.
