Азербайджан адправіў другі танкер з нафтай для Беларусі

Праблемы з пастаўкамі нафты ў Беларусь пачаліся з 1 студзеня 2020 года. Буйныя расійскія кампаніі адмовіліся пастаўляць нафту, бо не пагадзіліся на зніжэнне прэміі па пастаўках сыравіны. Пасля гэтага Беларусь пачала шукаць альтэрнатыўныя крыніцы паставак. Перамовы вяліся з краінамі Балтыі, Польшчай, Украінай, Азербайджанам. Афіцыйны Мінск дамовіўся на пастаўкі нафты з некалькімі расійскімі кампаніямі, якія пагадзіліся пастаўляць сыравіну без прэміі, таксама купляе частку нафты ў Азербайджана. Беларускія НПЗ працуюць на 50% загрузкі. 

Пры гэтым працягваліся перамовы з Расіяй. У суботу, 21 сакавіка, Аляксандр Лукашэнка заявіў, што расійскі бок цалкам пагадзіўся на беларускія ўмовы па пастаўках.