Ахвярамі непагадзі ў ЗША, Канадзе і Бразіліі сталі 65 чалавек
У выхадныя на паўночную Амерыку абрынуліся ледзяныя дажджы, моцныя снегапады і тарнада.
З-за абрываў ліній электраперадач ў паўночных штатах ЗША пры свечках Каляды сустракалі каля 500 тысяч чалавек. Дзясяткі тысяч чалавек дагэтуль застаюцца без электрычнасці. У аўтааварыях на дарогах і ад атручвання ўгарным газам (людзі спрабавалі карыстацца газавымі генератарамі) у ЗША загінулі 17 чалавек. Яшчэ 10 ахвяраў налічылі ў Канадзе. Але гэтыя лічбы не канчатковыя, адзначае агенцтва Associated Press.
У Бразіліі з-за моцных дажджоў на паўднёвым усходзе загінулі не менш за 38 чалавек, а сярод іх 7-гадовае дзіця. Дзясяткі тысяч чалавек былі эвакуяваныя. Для дапамогі гэтым людзям у раёны бедства накіраваныя вайскоўцы.
Фота — cbc.ca