Вы тут

Замест налепкі на шкло "Белтэхагляд" будзе выдаваць QR-код

БЕЛТА

Пазнакі пройдзенага тэхагляду ў Беларусі плануюць выдаваць у электронным выглядзе. Пра гэта ў інтэрв'ю газеце "СБ. Беларусь сегодня" распавёў дырэктар УП "Белтэхагляд" Юрый Лянчэўскі.

Спецыяліст паведаміў, што цяпер ствараюцца электронныя пашпарты на аўтамабілі. "У бліжэйшай будучыні плануем ажыццяўляць выдачу дазволу на допуск транспартнага сродку да ўдзелу ў дарожным руху ў электронным выглядзе. У звычайным QR-кодзе будзе "зашытая" інфармацыя аб пройдзеным дзяржтэхаглядзе. Прапановы ўжо накіраваныя ў Мінтранс. Звычайная наклейка на шкло аб праходжанні дзяржтэхагляду — учорашні дзень", — заявіў Лянчэўскі.

Плануецца, што на сайце прадпрыемства ў "Асабістым кабінеце" уладальнік машыны зможа азнаёміцца ​​з гісторыяй свайго аўто, запісацца на дзяржтэхагляд, аплаціць паслугі, ажыццявіць нейкія іншыя дзеянні.

Каб сачыць за галоўнымі навінамі, падпішыцеся на канал Еўрарадыё ў Telegram.

Мы штодня публікуем відэа пра жыццё ў Беларусі на Youtube-канале. Падпісацца можна тут.