Вы тут

З гурта "Ленінград" сышла чарговая салістка

Васіліса Старшова і Сяргей Шнураў. Фота: gazeta.ru

Васіліса Старшова, адна з двух салістак "Ленінграда", якія прыйшлі на змену Алісе Вокс, абвясціла, што сыходзіць з гурта. Артыстка паведаміла пра гэта на сваёй старонцы ў Instagram.

Васіліса Старшова разам з Фларыдай Чантурыя прыйшла ў "Ленінград" у сакавіку 2016 года, пасля таго, як група развіталася з Алісай Вокс. Выканаўца "Экспаната" сышла з калектыву не вельмі добра: спачатку лідар "Ленінграда" Сяргей Шнураў забараніў ёй выконваць "песню пра лабутэны", а потым разрадзіўся постам пра тое, што "па ўласным капрызе робіць з сярэдніх пявічак цалкам сабе зорачак", якія "хутка і наіўна пачынаюць самі верыць у сваю Боскую прыроду".

Аліса Вокс пачала сольную кар'еру, выканаўшы, у прыватнасці, ідэалагічна зараджаную песню "Малыш" пра тое, што маладым расіянам не трэба хадзіць на мітынгі апазіцыі.

Сыход Васілісы Старшовой лідар "Ленінграда" пакуль ніяк не пракаментаваў.