Як жывецца беларускім дакументалістам у эміграцыі — стрым з Максімам Шведам
![Максім Швед](/sites/default/files/styles/gallery_main/public/2024-09/41654889_1918968048404540_5766802612099743744_n.jpg.webp?itok=3p9PhOZz)
Максім Швед / Alina Achramovich
Рэжысёр Максім Швед — адзін з найбольш заўважных прадстаўнікоў пакалення незалежнага беларускага кіно, якое з’явілася ў мінулым дзесяцігоддзі.
Ягоны фільм “Чыстае мастацтва” паспяхова ішоў у кінатэатрах Мінску ў 2019 годзе, а сам аўтар актыўна адгукнуўся на падзеі 2020 года, стварыўшы па тэме выбараў і пратэстаў некалькі праектаў: “Галасы. Дзе мой край”, “Маршрут перабудаваны”, “Артэфакты. Музей вольнай Беларусі”, “Фатограф з Плошчы пераменаў”.
Прадуктыўнасць рэжысёра прыняла нечаканы паварот — ён уладкаваўся працаваць у піцэрыю.
Чаму паспяховы дакументаліст рэзка змяніў вектар уласнай дзейнасці? У чым плюсы і мінусы прафесіі пекара? Ці збіраецца ён вяртацца ў вялікую дакументалістыку і як перажывае выпрабаванні эміграцыі?
На гэтыя і іншыя пытанні Максім Швед раскажа сам падчас стрыму Еўрарадыё.
Падключайцеся да нас а 14-й гадзіне па мінскім часе.
Каб сачыць за галоўнымі навінамі, падпішыцеся на канал Еўрарадыё ў Telegram.
Мы штодня публікуем відэа пра жыццё ў Беларусі на Youtube-канале. Падпісацца можна тут.