Выйшаў на волю ўласнік сеткі Green Генадзь Кірэйкаў
На волю выйшаў сузаснавальнік фірмы "Рапа" Генадзь Кірэйкаў (сапраўднае прозвішча Кім), піша "Наша Ніва". Яму належалі гандлёвая сетка Green і гандлёвы цэнтр "Скала".
Кірэйкава затрымалі ў лютым 2021-га, калі Аляксандр Лукашэнка на Усебеларускім сходзе заявіў, што "адну кампанію мы выразаем". Прычынай нібыта стала адмова рэалізоўваць прадукцыю "ябацек".
У бізнес-колах хадзілі чуткі, што сапраўднай прычынай затрымання Кірэйкава і санкцый супраць яго кампаніі стала пазіцыя асобных менеджараў сеткі Green, якія актыўна ўдзельнічалі ў пратэстах супраць беззаконня.
