Выезду з Беларусі ў Еўрасаюз чакае больш за 1400 фур
Фуры на мяжы / Ілюстрацыйнае фота
На мяжы Беларусі з Еўрасаюзам выезду чакае больш за 1430 фураў, паведамляе Дзяржпагранкамітэт.
Уезду ў Літву перад пунктам пропуску "Відзы" чакае больш за 130 фур, "Катлоўка" — 150, "Каменны Лог" — 200, "Беняконі" — 70, "Прывалка" — больш за 190 фур.
На беларуска-латвійскай мяжы перад пунктам пропуску "Грыгароўшчына" сабралася больш за 150 грузавікоў, "Урбаны" — больш за 210.
На мяжы з Польшчай перад пунктам пропуску "Брузгі" сабралася больш за 160 фур, "Бераставіца" — 110, "Казловічы" — больш за 60 фур.
