Вядомы італьянскі мастак правядзе творчую сустрэчу ў Мінску
Імпрэза з удзелам Гаспарэ Манаса адбудзецца 20 верасня а 16.00 у Музеі сучаснага выяўленчага мастацтва (пр. Незалежнасці, 47).
Гаспарэ Манас — італьянскі мастак, чыя творчасць знаходзіцца на мяжы абстракцыі і фігуратыўнага мастацтва. Ён шырока вядомы інтэрпрэтацыямі урбаністычнага свету, якія нараджаюцца ў працяглым падарожжы мастака з Азіі ў Еўропу праз Афрыку.
На творчай сустрэчы аўтар раскажа пра тэндэнцыі ў сучасным мастацтве Італіі і Францыі, аб удзеле ў міжнародных выставах, а таксама пра шлях мастака да самаідэнтыфікацыі.
Беларускаму гледачу прадстаўляецца рэдкая магчымасьць пазнаёміцца з творчасцю выдатнага сучаснага мастака і апынуцца на адлегласці выцягнутай рукі ад людзей, якія змянілі свет, паведамляе сайт modernartmuseum.by
