Вы тут

Вакалісткі Shuma сталі маці і прысвяцілі гэтаму цэлы альбом

Вокладка альбома “Me, Mother”

Гурт Shuma выпусціў альбом “Me, Mother”. Новая плытка запісаная ў этна-электронным стыле, а галоўнымі матывамі сталі старажытныя песні і дыялекты, якія выкарыстоўваліся жанчынамі ў рытуалах на тэрыторыі Беларусі. 

Альбом запісваўся, калі абедзве вакалісткі Shuma — Руся і Надзея Чугунова — былі цяжарныя і чакалі з’яўлення на свет сваіх дзяцей. Менавіта таму тэма мацярынства яскрава праходзіць праз усе трэкі альбому. Абедзве спявачкі чакалі дзяўчынак і стваралі нешта накшталт хатняга альбома для дачок.

Гучанне апісвае розныя станы мацярынства і перажыванні ўзаемаадносін чалавека з маці — ад эйфарыі да агрэсіі. Гурт таксама адзначае, што за кошт саўнд-дызайну гэты альбом можна лічыць тэрапеўтычным: “Мы выкарыстоўвалі тут псіха-акустычныя рашэнні, якія дапамагаюць слухачу пражываць розныя падаўленыя эмоцыі (трывога, захапленне, страх, спакой, эйфарыю, падзяку і інш.), Напрыклад, такія як бінаўральныя гукі, белы шум, спецыфічныя частоты, рытмічныя малюнкі і вакальныя прыёмы”.

У працэсе стварэння трэкаў дадалі гучанне не толькі іншых галасоў людзей і прыроды, але і экзотыку — рытуальны перуанскі інструмент чакапа, сапраўдны шаманскі веер. Спрадзюсаваў альбом Alexis Scorpio, а рэліз адбыўся на лэйбле Ezhevika.

Паслухаць новы этна-электронны альбом можна па гэтай спасылцы.

Каб сачыць за галоўнымі навінамі, падпішыцеся на канал Еўрарадыё ў Telegram.

Мы штодня публікуем відэа пра жыццё ў Беларусі на Youtube-канале. Падпісацца можна тут.