Уладзімір Шанцаў з АГП: выхад толькі адзін — ліквідацыя
![У Беларусі даўно няма палітычнай канкурэнцыі / Ілюстрацыйнае фота pixabay.com](/sites/default/files/styles/gallery_main/public/2023-08/chess-5516446_1280.jpg.webp?itok=cswKGh6I)
У Беларусі даўно няма палітычнай канкурэнцыі / Ілюстрацыйнае фота pixabay.com
Выканаўца абавязкаў старшыні Аб'яднанай грамадзянскай партыі Уладзімір Шанцаў у інтэрв'ю "Народнай волі" кажа, што яна гатова да ліквідацыі. Ён не бачыць магчымасці для яе дзейнасці ў новых умовах.
"Давядзецца ліквідаваць, бо не зможам выканаць тыя новыя ўмовы, якія будуць рэгламентаваць дзейнасць партый [пасля змены адпаведнага заканадаўства], — распавядае Шанцаў. — Напрыклад, зараз у АГП каля 3500 членаў партыі, а ў будучым мінімальны колькасны парог для стварэння партыі — 5 тысяч чалавек. Я — рэаліст, а таму дакладна кажу: у сённяшніх умовах такую колькасць сябраў партыі мы не збяром і перарэгістрацыю не пройдзем. У такім выпадку які выхад? Толькі адзін — ліквідацыя".
Уладзімір Шанцаў лічыць, што з тых жа прычын ліквідацыя чакае і шэраг іншых апазіцыйных структур. "Пакуль варушымся, працуем, наколькі гэта магчыма ў сённяшніх рэаліях. Праводзім палітсаветы, прымаем рэзалюцыі", — дадае Шанцаў.
У Беларусі за кратамі на сённяшні дзень знаходзяцца 12 сябраў АГП, а сярод іх і старшыня партыі Мікалай Казлоў. Летась яго асудзілі на 2,5 года калоніі.
Каб сачыць за галоўнымі навінамі, падпішыцеся на канал Еўрарадыё ў Telegram.
Мы штодня публікуем відэа пра жыццё ў Беларусі на Youtube-канале. Падпісацца можна тут.