Улады Турцыі за адзін дзень зачынілі больш за сто СМІ
Улады Турцыі за адзін дзень зачынілі больш за сто СМІ. Сярод іх 16 тэлеканалаў, 23 радыёстанцыі, 45 газет, 15 часопісаў, 29 выдавецкіх дамоў і тры інфармацыйных агенцтвы. У іх ліку радыё Cihan, газеты Zaman і Today's Zaman, якія ўваходзяць у холдынг Feza. Некаторыя з зачыненых СМІ тым альбо іншым чынам звязаныя з апазіцыйным прэзідэнту Турцыі Эрдагану Фетхуллаху Гюлену, якога ўлады называюць ідэолагам нядаўняга правальнага вайсковага перавароту. Сам Гюлен, які стала жыве ў ЗША, сваю датычнасць да яго адмаўляе.
Спроба вайсковага пеарвароту ў Турцыі адбылася ў ноч на 16 ліпеня. Пасля таго, як мяцеж быў падаўлены, у Турцыі па падазрэннях у дачыненні да яго былі затрыманыя каля 13 тысяч чалавек. Як мінімум 9 тысяч затрыманых пакінутыя пад вартай да суда.
