Украінка Джамала — пераможца “Еўрабачання-2016”
У Стакгольме завяршыўся шэсцьдзесят першы па ліку конкурс “Еўрабачанне-2016”. Перамогу атрымала прадстаўніца Украіны, крымска-татарская спявачка Джамала. Трэк “1944” распавядае гісторыю дэпартацыю сям’і Джамалы ў 1944 годзе з Крыму ў Сярэднюю Азію.
Пасля другога паўфіналу кампазіцыя патрапіла ў лік фаварытаў букмекераў. Песню неаднойчы абвінавачвалі ў наяўнасці палітычнага падтэксту. Некаторыя расійскія чыноўнікі патрабавалі ад Еўрапейскага Вяшчальнага Саюзу зняць трэк з конкурсу. Аднак у вынікі палітыкі ў трэку Джамалы не знайшлі.
За ўкраінскую спявачку падчас фіналу прагаласавалі як прадстаўнікі журы з розных краінаў, так і тэлегледачы.
Цікава, што сёлета галасы журы ад 42 краінаў-удзельніц "Еўрабачання" і галасы тэлегледачоў улічваліся асобна. Так, беларускае журы, якое прадстаўляў мінулагодні ўдзельнік конкурсу Юзары, найбольшы бал, 12, прадказальна паставіла прадстаўніку Расіі Сяргею Лазараву. Джамалу айчыннае журы ацаніла ў 7 балаў.
На другім месцы апынулася аўстралійская спявачка Дэмі Ім. На трэцім — расійская поп-зорка Сяргей Лазараў.
У фінале конкурсу выступіла 26 выканаўцаў. Нагадаем, прадстаўнік Беларусі Ivan выступіў у другім паўфінале конкурсу, але, на жаль, у фінал не выйшаў.
"Калі ты як снежная каралева, то табе не дапаможа Віктар Дробыш"
Віктар Дробыш пра выступ Айвана: Тое, што трэба, мы атрымалі
