Пераможцай дзіцячага Еўрабачання стала Марыям Мамадашвілі з Грузіі
![Пераможцай дзіцячага Еўрабачання стала Марыям Мамадашвілі з Грузіі](/sites/default/files/styles/gallery_main/public/2023-08/mgr2016.jpg.webp?itok=vrjqEkl5)
Пераможцай дзіцячага Еўрабачання стала Марыям Мамадашвілі з Грузіі. Беларус Аляксандр Мінёнак заняў толькі 7-е месца.
Фінал міжнароднага дзіцячага конкурсу песні "Еўрабачанне 2016" прайшоў у нядзелю, 20 лістапада, у Валеце на Мальце. У ім удзельнічалі прадстаўнікі 17 краін. Па выніках галасавання прадстаўніца Грузіі з песняй "Сонца" набрала найбольш балаў — 239. На другім месцы Арменія (232), на трэцім — Італія (209). Аляксандр Мінёнак з песняй "Музыка маіх перамог" набраў 177 балаў.
За час удзелу ў дзіцячым "Еўрабачанні" беларусы перамагалі двойчы: Ксенія Сітнік у 2005 годзе і Аляксей Жыгалковіч у 2007-м.
![Пераможцай дзіцячага Еўрабачання стала Марыям Мамадашвілі з Грузіі](/sites/default/files/paragraphs/image/0000277d2d10e51d0e9c194325807100589cbe318510.jpg)
Выступае Аляксандр Мінёнак. Фота: БЕЛТА