У Вілейцы выпаў такі град, што людзі гулялі ў снежкі (відэа)
Прыродная анамалія абрынулася ў чацвер на поўнач Беларусі, у тым ліку на Вілейку.
Жыхары гэтага горада змаглі на пачатку чэрвеня пагуляць у снежкі. Увечары з неба абрынуўся град памерам з яйка перапёлкі, практычна ўвесь горад апынуўся пад снегам.
Залева пачалася знянацку, і адразу ж з неба пасыпаўся град, паведамляе тэлеканал АНТ. Град ляцеў з такой сілай, што практычна паралізаваў рух аўтатранспарту. Адразу некалькі вуліц апынуліся падтопленымі.
Прыкладна праз паўгадзіны залева і град спыніліся. Пра стыхію нагадваў толькі снег.
А вось Ліду стыхія пашкадавала трошку больш — дождж з градам там ішлі толькі 10 хвілінаў.
