У Сочы, куды прыляцеў самалёт Лукашэнкі, прайшлі залевы і выпаў снег
У Сочы, дзе ўчора нібыта бачылі Аляксандра Лукашэнку з "прыватным візітам", выпаў 10-сантыметровы слой снегу.
Снег выпаў у гарах. Як піша "Комсосмольская правда", снег засыпаў пасёлак Красная Паляна, дзе размяшчаецца гатэль "Беларусь".
А сочынскі курорт зранку накрыла залева, якая сарвала заезды Formula 2, і непадалёк ад горада заўважылі тарнада. Тым не менш, кваліфікацыйныя заезды "Гран-пры Расіі" па Formula 1 прайшлі паводле раскладу. Заўтрашняя гонка адмененая не будзе.
