У сераду ў Беларусі будзе да 2 градусаў цяпла
Прагназуюцца невялікія ападкі, пераважна снег.
28 студзеня ў Беларусі будуць невялікія ападкі, пераважна снег. Месцамі па краіне прагназуюцца слабы туман і галалёд. На асобных участках дарог захаваецца галалёдзіца. Вецер будзе паўднёвы, 3-8 метраў за секунду.
Як інфармуе БЕЛТА, у сераду ўначы чакаецца 2-9 градусаў ніжэй за нуль, пры праясненнях — да 9-11 марозу, удзень — ад мінус 3 да 2 градусаў цяпла.
