У панядзелак пратрымаецца марознае надвор’е да мінус 8-14 градусаў
![У панядзелак пратрымаецца марознае надвор’е да мінус 8-14 градусаў](/sites/default/files/styles/gallery_main/public/2023-08/zima_maroz.jpg.webp?itok=uYJ_2Tzz)
У бліжэйшыя суткі, 6 лютага, у Беларусі чакаецца хмарнае з праясненнямі надвор’е, на паўднёва-заходняй палове краіны сіноптыкі прагназуюць снег. Уначы і раніцай на поўдні таксама будзе слабы туман. На асобных участках дарог захаваецца галалёдзіца.
Вецер будзе ўсходні ўмеркаваны, удзень парывісты.
Тэмпература паветра цягам сутак складзе мінус 8-14 градусаў, па паўднёвым захадзе — 4-7 градусаў ніжэй за нуль. Уначы па паўночным усходзе пры праясненнях будзе 15-18 градусаў марозу, перадае БЕЛТА са спасылкай на Белгідрамет.