У нядзелю ў Беларусі будзе да +28

У нядзелю, 19 ліпеня, у Беларусі чакаецца пераменная воблачнасць, паведамляе Белгідрамет.

Будзе пераважна без ападкаў, толькі раніцай і днём па паўночным усходзе краіны месцамі пройдуць кароткачасовыя дажджы, магчымы навальніцы. Ноччу і раніцай у асобных раёнах чакаецца слабы туман. Вецер будзе няўстойлівы слабы да ўмеранага, пры навальніцах парывісты.

Уначы прагназуецца 9-15 цяпла. Днём будзе 22-28 вышэй за нуль.

Каб сачыць за галоўнымі навінамі, падпішыцеся на канал Еўрарадыё ў Telegram.

Мы штодня публікуем відэа пра жыццё ў Беларусі на Youtube-канале. Падпісацца можна тут.