У Мінску прэзентавалі гадзіннікі з "тварам беларуса"
Гадзіннікавы завод "Луч" 29 лістапада прэзентаваў новую калекцыю гадзіннікаў — з "тварам беларуса". Дызайнерам калекцыі выступіў мастак Міця Післяк.
"На гадзінніку я паказаў увасабленне класічнага беларуса (у маім разуменні, вядома): ружовы твар, светлы волас, блакітныя вочы", — прызнаецца мастак.
Новая калекцыя выпушчаная ў абмежаванай колькасці. Гадзіннікі існуюць у двух варыянтах — каляровым і чорна-белым. Адзін гадзіннік каштуе 189 рублёў.
Дарэчы, на працягу бліжэйшых двух месяцаў завод абяцае выпусціць калекцыю, прысвечаную гістарычным асобам Беларусі.
