У Маскве сярод зімы прайшла навальніца (відэа)
Над расійскай сталіцай не толькі грымеў гром, але і прайшла залева.
Рэдкая прыродная з’ява — зімовая навальніца — здарылася раніцай 1 лютага ў Маскве, паведамляе Interfax.ru
Прыкладна ў 7.30 жыхароў гораду разбудзілі раскаты грому, потым заблішчэлі маланкі і пайшоў моцны дождж, але праз 20 хвілінаў усё сціхла.
Напярэдадні сіноптыкі прадказвалі рэзкае пацяпленне ў Маскоўскім рэгіёне: анамальна цёплае надвор’е ў першы дзень апошняга зімовага месяцу можа пабіць тэмпературны рэкорд.
У Беларусі гэтымі днямі таксама вельмі цёпла для гэтай пары — сёння ўдзень у большасці рэгіёнаў абяцаюць плюсавую тэмпературу і ападкі ў выглядзе мокрага снегу.
Фота: РИА Новости