У Максіма Мірнага выявілі злаякасную пухліну галавы — СМІ
Максім Мірны / БЕЛТА
У беларускага тэнісіста, алімпійскага чэмпіёна Максіма Мірнага выявілі злаякасную пухліну, піша Smartpress.by са спасылкай на інфармаваныя крыніцы.
Дзесяціразоваму ўладальніку тытулаў "Вялікага шлема" ў адной з мінскіх бальніц зрабілі трэпанацыю чэрапа і выдалілі пухліну. Паведамляецца, што аперацыя доўжылася восем гадзін і прайшла вельмі паспяхова.
Са скаргамі на галаўныя болі Максім Мірны звярнуўся да дактароў крыху больш за месяц таму. Яму зрабілі МРТ, якое пацвердзіла несуцяшальны дыягназ.
Каб падтрымаць Мірнага, перад аперацыяй у Беларусь прыехалі жонка тэнісіста і чацвёра яго дзяцей.
Цяпер спартовец з сям'ёй з'ехаў з Беларусі для працягу лячэння.
