У Лівіі загінула больш за 11 тысяч чалавек
Лівійскі горад пасля маштабнай паводкі / AFP
У Лівіі загінула больш за 11 тысяч чалавек. Больш за 20 тысяч лічацца зніклымі без вестак. Прадстаўнікі ААН кажуць, што гэтая краіна перажывае "бедства эпічных маштабаў", паведамляе "Бі-Бі-Сі".
Аб прычынах такой вялікай колькасці ахвяр эксперты пакуль выказваюцца асцярожна. Аднак практычна ўсе паказваюць на тое, што на працягу многіх гадоў плаціны, якія прарвала вада, не падтрымліваліся ў належным стане. Таму, калі паўночна-ўсходняе ўзбярэжжа Лівіі накрыў ураган "Даніэль", яны не змаглі выканаць сваю функцыю.
ААН папярэдзіла аб небяспецы захворванняў, выкліканых забруджанай вадой.
