У Купалаўскі тэатр пачалі набіраць акцёраў з Расіі
Аляксандр Лукашэнка ў Купалаўскім тэатры / БЕЛТА
У Купалаўскі тэатр пачалі набіраць акцёраў з Расіі — выпускнікоў Расійскага інстытута тэатральнага мастацтва і былых студэнтаў маскоўскага Інстытута сучаснага мастацтва. Паколькі яны не ведаюць беларускай мовы, то ўдзельнічаюць у пластычных спектаклях без слоў, піша "Зеркало".
"Нам па-ранейшаму не стае акцёраў, — прызналася ў нядаўнім інтэрв'ю газеце "Культура" актрыса Вольга Няфёдава. — Мы збіраем калектыў пакрысе, і для таго неабходна шмат часу — каб у тэатры былі найлепшыя як па таленце, так і па душэўных якасцях... Таксама мы карыстаемся дапамогай акцёраў з іншых труп, якія з’яўляюцца патрыётамі і сапраўды любяць тэатр".
Акцёры з Купалаўскага тэатру сышлі пасля падзей 2020 года. Яны актыўна ўдзельнічалі ў пратэстах. Засталася невялікая група (9 чалавек), у тым ліку згаданая Няфёдава. З 2021 года праводзяцца кастынгі, але набраць патрэбную колькасць акцёраў не могуць.
