Вы тут

У інтэрнэт трапілі здымкі дворыка КДБ і рэзідэнцыяў Лукашэнкі

Так выглядае зверху дворык КДБ / dzz.by

25-26 верасня 2019 года па замове Дзяржаўнага камітэта па маёмасці былі зробленыя ортафатаздымкі Мінска і прылеглых тэрыторый. Іх рабілі для стварэння зямельна-інфармацыйнай сістэмы (ЗІС) Мінска. Кадры апублікаваў партал TUT.by.

На кадрах, якія трапілі ў інтэрнэт, можна пабачыць, як зверху выглядаюць розныя цікавыя месцы сталіцы. Напрыклад, дворыкі Адміністрацыі прэзідэнта і КДБ, рэзідэнцыі Аляксандра Лукашэнкі ў Заслаўі і Драздах.

Некалькі аб'ектаў на здымках былі заблюраныя — гэта СІЗА №1 ("Валадарка"), будынак Мінабароны на праспекце Незалежнасці, Палац Незалежнасці, упраўленне ваеннай контрразведкі на Інтэрнацыянальнай каля Палаца Рэспублікі.

Затое можна пабачыць, як выглядаюць рэзідэнцыі Аляксандра Лукашэнкі ў Драздах і Заслаўі. Напрыклад, у Драздах можна пабачыць спартыўную і верталётную пляцоўкі, каля дома — штосьці кшталту фантана.

Каб сачыць за галоўнымі навінамі, падпішыцеся на канал Еўрарадыё ў Telegram.

Мы штодня публікуем відэа пра жыццё ў Беларусі на Youtube-канале. Падпісацца можна тут.