У Гродне затрымалі п'янага кіроўцу таксі (відэа)

Супрацоўнікі ДАІ прыехалі на стаянку каля міні-рынка Дзевятоўка, дзе адбылося дарожна-транспартнае здарэнне. Кіроўца таксі там пашкодзіў прыпаркаваны легкавік. Ён быў у стане алкагольнага ап'янення. Ад медычнага асведчання мужчына адмовіўся, не захацеў ён і даваць тлумачэнні.

Прэс-служба ДАІ Гродзенскай вобласці адзначае, што на шчасце ў п'янага кіроўцы таксі не было пасажыраў.
 

Фота — Fotolia